MILLICENT'S POV
Ano nga ba ang siyang dapat na una nating maramdama kung nahanap na natin iyong bagay na matagal nating hinahanap? Normal na ang una nating magiging reaksiyon ay matutuwa, pero ako noong mahanap ko ang bagay na matagal na nawala sa akin ay kalungkutan ang labis na yumakap sa akin.
Dumating sa punto ng buhay ko na hindi ko na alam kung ano ang gagawin ko. Pakiramdam ko wala na akong silbi, wala na akong kwenta.
Para akong namamanhid.
Walang nararamdaman.
Hindi ko nagagawang maging masaya, hindi rin naman ako nalulungkot. Palagi nalang akong natutulala sa kawalan, pilit na iniisip kung magagawa ko pa bang alisin ang napakakapal na bakal na siyang sumasakal sa akin.
Kung anu-anong bagay ang sumagi sa isip ko noon. Pilit na inaalam kung bakit ako nagkakaganoon, iyon
