Chapter 17
Dahil sa labis na pag-aalala ay aksidenting nasagi ni Nico ang cake na bigay sa kanya ng nobyang si Zawi. Imbis na pagtuunan niya iyon nang pansin ay na kay Colleen ang kanyang buong atensyon. Nakahandusay ito sa sahig. Ilang beses na itong niyuyogyog at tinatawag ng kaibigan ay wala silang nakuhang reaksyon mula rito.
"Excuse me!" malakas na singhal niya at tinabig ang mga taong nakiusyuso roon. Mabilis niyang binuhat ang dalaga at binitbit iyon papuntang clinic. Nagmamadali siya dahil nag-aalala siyang baka may mangyaring masama sa dalaga.
"Nico!" tawag sa kanya ni Ridge. Hindi niya napansing nakasunod na pala ito sa kanya. "Si Zawi," anito.
"Mamaya na," awat niya saka mas binilisan ang paglalakad. Kaagad na inasikaso ng school nurse ang dalaga. Nakatanga lang siya sa mga
