Chapter 18
"Good morning, Dee!" masayang bati ni Zawi sa pusang nakatunghay sa kanya.
Kaya pala nahihirapan na naman siyang huminga ay dahil nakaupo ito sa bandang dibdib niya. Binuhat niya ito at pinaupo sa kama. Tumagilid siya at nilalaro ang alagang nag-iingay na naman. Mamayang hapon pa naman ang kanyang klase. Kaagad siyang napatayo nang maalalang nasa pamamahay niya ang nobyo. Nagmamadali siyang naligo at nagbihis. Inayos niya ang pekeng buhok upang maitago niya iyon nang maayos.
"Tsk! Kailangan ko nang kalbuhin 'to," bulong niya sa sarili. "Hindi niya p'wedeng makita 'to," dagdag niya pa. Nang masiyahan sa nakita ay kaagad siyang lumabas upang tingnan ang binata.
Napangiti siya nang makitang tulog pa rin ang nobyo at wala na ito sa higaan. Ang kumot nito ay nasa paanan na at
