Chapter 32
Rick
Napabuga ako ng hangin habang nakaharap sa salamin sa sala ng condominium ni Raynier. Dapat doon ako sa mansion pupunta, pero lumipat na pala ang triplets ko dito sa condominium niya na binili. Syempre gamit ang pangalan ko.
Hawak ko ang baso na naglalaman ng paborito kong alak. Pero hindi ko ito dinadampi sa aking labi. Sa mga naglipas ng mga buwan, linggo, at araw, hindi ko lubos akalain na darating ang araw na ito na pinakahihintay ko. Bukas dudurugin ko na ang buong pagkatao ni Abraham.
Ang hirap makisama araw-araw, sa anak ng tao na kinaiinisan mo. Araw-araw ko rin kinikimkim ang galit ko kay Abraham. Masaya silang mag-ama dahil napakailiganti naman ng kasal na ibibigay ko sa anak niya.
Ibinigay ko ang pangarap ng isang babae sa araw ng kasal niya. Mula sa gown
