Chapter 87
Ayesha's POV
Masyado nang matagal ang usapan naming ito ng mahal na reyna at nakakaramdam na ako ng pagka-inip. Nais ko na ana itong matapos na ngunit kailangan itong matapos nang may nakuha akong impormasyon mula sa kanya.
"Hindi ko maintindihan kung saan mo nakukuha ang mga bagay na iyan, mahal na prinsesa. Hindi ko alam kung paano mong nasasabi ang lahat ng 'yan," natatawa pa rin niyang tanong.
"Paano kung sabihin ko sa iyo, mahal na reyna na ang lahat ng ito ay nagmula dahil sa isang Lavitran na nakausap ko noong ako ay nawala?" Muli ay natigilan ang mahal na reyna dahil sa sinabi ko. Hindi ko sinabi na ang nakausap ko ay isang Algenian. At sa tingin ko ay ang pagpapakilala ko sa kanya na isang Lavitran ang nakilala ko ay ang pinakaligtas na salita.
"Sino naman ang Lavi
