Chapter 88
Ayesha's POV
Hindi ko alam kung bakit ganito na lamang ang naramdaman kong lungkot nang mabalitaan ko na namatay na ang babaeng iyon kahit pa wala namang kasiguraduhan kung totoo nga ba ang sinabi ng mahal na reyna o hindi. Bigla na lamang tuloy akong nanghinayang na hindi man lang ako nagkaroon ng pagkakataon na makilala siya. Siguro ay dahil na rin sa umasa ako na kahit papaano ay makakatulong ako sa sinapit niya. Ngunit nahuli na pala ako dahil wala na pala akong tutulungan.
Marami pa akong gustong itanong sa kanya ngunit hindi ko naman alam kung sasagutin ako ng mahal na reyna. Nag-aalala rin ako dahil baka mamaya ay puro kasinungalingan lang din ang sasabihin sa akin ng mahal na reyna. Ngunit siguro naman ay mahahalata ko sa mga mata niya kung nagsasabi ba siya sa akin n
