Nakailang ulit nang idinayal ni Nikki ang phone number ni Georgette pero hindi pa rin ito sumasagot sa kanyang tawag. Ito na 'yong araw kung kailan gagawin ang surgery. Nangako pa ito na tatawagan siya nito bago at pagkatapos ng surgery pero wala siyang natanggap na kahit isang tawag man lang galing rito.
Si Clinton din, nakailang ulit na rin niya itong tinawagan pero hindi pa rin niya ito makuntak. Hindi na niya alam kung ano ang nangyayari sa dalawa at may kung anong masamang agam-agam na rin siyang nadarama sa kanyang kalooban.
"My god, George! Kanina pa ako kuntak nang kuntak sa'yo," himutok niya nang sa wakas ay tumawag na rin ang dalaga sa kanya.
"Sensiya ka na, lowbatt kasi ako kanina," paliwanag naman nito ka siyang nagpagaan sa kanyang kalooban.
"Kamusta na dyan?"
"Surgery k
