Kakaiba kung maglaro ang tadhana. May mga pangyayari sa ating buhay na hindi naman natin ginusto ay dumarating nang kusa. Kung ano iyong ating mga inaasahan at dinadalangin na mangyari ay siya namang ayaw ibigay.
Madalas sinasabi ng iba na tayo mismo ang siyang gumagawa ng ating tadhana at naging hati ang ating mga pananaw tungkol sa usaping ito. Dahil hindi naman natin ito kuntrolado. Katulad ng hindi natin hawak ang panahon at oras. Kung ikaw ay nakararanas ng sakit dulot ng pagkabigo, gustuhin mo mang ito'y mawala nang agaran ay hindi mo iyon basta-basta magagawa at tanging ang panahon lamang ang siyang may kakayanang pahilumin iyon.
Nang malaman kong si Makoy ang magiging personal driver at alalay ni Daddy, alam kong sinimulan na akong laruin ng tadhana. Tingin ko sa sarili ay isang
