Chapter 84: Ang Hindi Pagsuko
HINDI kailanman matatanggap ni Hezekiah na mawala si Denzel sa kanyang piling. Kung kinakailangan niyang hindi na matulog at kumain ay gagawin niya upang mapabilis kang ang paghahanap kay Denzel. Hindi pwedeng, hindi magbubunga ang kanyang paghahanap sa babae lalo pa’t pamilya niya ang nakataya rito. Okay lang sana kung isang simpleng misyon lang ang kanilang ginagawa ngayon ngunit hindi, eh. Hindi lang ito bastang misyon, mayroong isang batang umaasa sa kanya.
Napabalikwas siya ng bangon nang magkaroon siya ng masamang panaginip. Patay na raw si Denzel at kailangang huminto na siya sa paghahanap. Pawisan si Hezekiah na umalis sa kama. Nagtungo siya sa kusina at uminom ng malamig na tubig. Nakalipat na sila ng bagong bahay at medyo malayo ito ngunit malapit
