KATATAPOS lang magluto ng pananghalian ni Francheska nang marinig ang tunog ng sasakyan ni Steven. Nagtaka man ay agad na nagsirko ang puso niya. Ang ideyang muling makikita ito ay biglang nakapagpa-excite sa kaniya.
“Maaga kayo, Sir?” tanong niya nang makita itong pumasok sa kabahayan. Bahagyang namumula ang mukha nito na tila nakainom ng alak.
“Nakipag-meeting lang ako kay Mr. Tiu sa Manila Polo Club. Napainom ng kaunti at tinamaan kaya heto, dumiretso na ‘ko ng uwi.”
“Kumain ka na ba? I mean, kayo? K-kumain na kayo, Sir?"
“Mamaya na lang siguro paggising. Masakit ang ulo ko. Pakisabi nga kay Manang Aning na magpanhik ng blue ice packs sa ref ko sa itaas. No calls and visitors, okay?”
Tuluy-tuloy na pumanhik ang lalaki sa hagdan kaya hindi na marahil nito naintindihan nang isigaw n
