MASIGLANG inihanda ni Francheska ang hapunan at pinilit na hindi na lamang pansinin ang presensiya ni Steven. Hindi kasi siya iniwan nito kanina at matiyaga nitong pinanood ang ginagawa niya. Ang dami niyang sanang tanong pero madiskarte ito at madaling binabago ang topic kapag hindi marahil gustong sagutin ang tanong niya.
Matapos makapagluto ay gumawa naman siya ng lemon juice na siyang paborito nito. Hindi ito pumayag kumain nang mag- isa kaya napilitan siyang saluhan ito.
Habang kumakain ay nagbukas ng kuwentuhan si Steven at pinilit naman niyang alisin ang nadaramang pagkailang rito.
“Puwede bang magtanong, Sir?” lakas-loob niyang tanong dito.
“Na naman?” balik-tanong nitong bahagyang nakangiti.
“Madali lang naman,” giit niya.
Nang tumango ang lalaki ay nagpatuloy siya.
“Bak
