HALOS ay madapa si Francheska sa pagmamadaling makababa ng hagdan kinabukasan. Pasado alas-kuwatro na ng hapon at hindi sinasadyang nahimbing siya ng tulog. Sa pagkakatanda niya ay ala-una lamang ng tanghali nang mahiga siya, ano’t biglang alas-kuwatro na ngayon? Bakit parang kapipikit lang niya? Ganoon ba siya napagod sa paglalaba? Baka nga dahil talagang nanakit ang katawan niya sa pagbabanlaw sa mahahabang pantalon ni Steven.
Kasalanan niya dahil hindi man lang niya tinangkang gamitin ang automatic washing machine. Oo nga at high tech iyon pero hindi niya talaga magawang pagtiwalaan iyon sa pagbabanlaw. Mas prefer niya talaga ang manual na paglalaba. Pakiwari niya ay hindi naaalis ang bula sa mga damit na pinaiikot niya kaya naman mas okay sa kaniyang mano- manong banlawan ang mga iyo
