“MAGKANO ang kilo ng bangus mo, Cheka?”
Lumipad ang tingin niya sa nagtanong at napangiti nang makita si Nana Aning.
“One hundred-sixty, Manang. Kumusta na po kayo?”
“Mabuti naman,” nakangiti nitong tugon. “Ikaw, parang namayat ka yata?”
“Wala pong makain eh.” Niyuko niya ang sarili at saka bahagyang tumawa.
“Pero hindi ka nagbabago, hija. Maganda ka pa rin. Mas maganda kaysa kay Chelo.”
“Chelo?”
“Oo naman. Naalala mo ‘yung sinasabi kong dating kasintahan ni Istib? Dumating na siya galing California noong isang Linggo. Naku, parati ngang nasa bahay iyon kahit wala si Istib at kung anu-ano ang pinababago sa ayos ng sala. Naroong papalitan ang mga kurtina kahit bagong palit ang mga iyon o kaya naman ay ipababago
