Nakatingin lang ako sa kamay ko na ginagamot ng nurse rito sa hotel. Masakit pa rin, pero hindi ko na masyadong maramdaman. Namanhid na yata ako, ang sakit na eh.
“First degree burn, madadaan pa naman 'yan sa ointment. It will take at least three weeks to heal, but rest assured, hindi naman malala,” sabi ng nurse saka tumayo at inabot kay Kionn ang ointment saka umalis.
Tahimik ang lahat dito sa may lobby ng hotel. Nanatili akong nakatulala sa kamay kong may benda.
Gusto ko na namang maiyak, pero napapagod na ang mga mata ko. Gusto ko na lang matulog, ayos lang din kung hindi na ako magigising. Wala na naman akong pamilya na maiiwan eh.
“O-okay ka na ba Lorraine?” nag-aalalang tanong ni Darcie.
Napatingin ako sa kanila, magkatabi sila ni Gun. Tahimik lang si Gun kanina pa. Mapait na
