"May problema ba Lorraine?"
Napatigil ako sa pag-iisip at napatingin kay Kionn na nagtatakang nakatingin sa 'kin.
"Wala naman," sabi ko na lang saka muling kumain ng almusal. Ayoko ng maka-abala kay Kionn, palagi na lang niya akong iniintindi.
"Weh? Iyang pagmumukhang 'yan? Mukha ka pang matanda sa Mama ko eh," pagbibiro pa niya. Napailing na lang ako at tinuloy ang pagkain.
"Hindi, seryoso na 'ko. Ano'ng problema? Ilang araw ka ng ganiyan," seryosong sabi niya habang nakatingin sa 'kin. Napabuntong hininga na lang ako at uminom ng kape.
"Okay lang ako, ang dami ko lang talagang iniisip, napupuyat din ako sa lesson plans na ginagawa ko." Mas okay ng puyatin ang sarili sa lesson plan kaysa naman mapuyat kakaisip kay Gun.
"Wag mong abusuhin ang sarili mo, alam ko naman ang nararamdama
