Akala ko makakabalik na ako sa reyalidad, ngunit hindi pa pala. May binabanggit pa sigurong mga petsa at oras si Fredo kaya nandito pa rin ako sa dimensiyon ng mga nakaraan niya.
I guess this also shows how much I’ve put an effort into my power to bring me this far.
Wala ako rito ngayon kung hindi rin dahil sa pag-eensayo ko. Mabuti na lamang ay hindi pa ‘ko nakakaramdam nang pagod.
Nang maglaho na ako sa unang nakaraan niya ay nalipat naman ako sa ibang nakaraan niya. Dito ko naman natuklasan ang pagpu-pursige ni Fredo at ang pamilya niya na makaangat sa buhay, ngunit malayo-layo pa ang kailangan nilang marating sa buhay. Gayunpaman, nagiging masaya na sila sa mga maliliit na usad na dumadating sa kanilang buhay.
“Ganito ang gawin mo para mapadali ang pagme-memorize mo,” ani Fredo
