Pagpasok namin sa bahay niya ay napaawang na lang ang labi namin ni Jaxton dahil sa pagkamangha. “Wow…” dinig ko pang sabi niya.
Nilibot ko pa ang aking paningin, ang linis pa rin ng bahay kahit na puro mga bato ang kagamitan na makikita rito. Para sa isang tao na tumitira dito, sapat na ang maliit na sala, saktong espasyo sa kusina, isang banyo at may nakita pa kaming dalawang pinto na maaaring kwarto na. Alagang-alaga din ang mga gamit niya kaya tumatagal pa. Madami ring mga gamit na hindi pamilyar sa amin kaya hindi rin nagtagal sa atensyon namin ang mga ‘yon.
Walang power sa bahay na ‘to. Ang ilaw na gamit niya ay nanggagaling lang sa kandila na nakatago sa mga garapon para hindi mamatay agad dahil sa hangin na pumapasok dito sa bahay niya. Nakabukas kasi ang ilang bintana niya par
