“Mabuti na ang kalagayan ng bata, painumin niyo lang siya ng gamot, magiging okay na rin ito kinabukasan,” saad ni Doctor Mendez sa kanila ni Ivo. Hindi kasi mapakali ang lalaki kaya pinatawag nito ang family doctor nila.
“Maraming salamat po, Doc Mendez,” saad ni Ivo. Tinanguan niya ang Doctor at nagpasalamat din.
“Sige, mauna na ako sa inyo,” sagot nito at agad na umalis sa kwarto ng kambal. Sinundan siya ni Manang para siguro ihatid ang Doktor sa labasan.
"Okay na si Avery, ako na ang magbabantay sa kaniya kaya you don't need to stay here. It's your birthday kaya mag-enjoy ka…" Kinuha niya ang kumot ng kaniyang anak at itinakip sa katawan nito. Ang himbing-himbing ng tulog nito animo'y sobrang payapa ng pakiramdam at walang sakit na nararamdaman. Napangiti siya nang kumunot ang no
