Tulala ako habang nakatingin sa glass window ng opisina ko. Hindi maalis-alis sa akin ang pangamba at pagkatakot.
Iniisip ko pa lang na aaminin ko sa dalaga ang ginawa kong plano noon dito, maaring magalit ito ng sobra. At baka nga hindi ako nito mapatawad.
Hindi ko naiwasan ang mapabuntong-hininga ng mabigat.
"Mukhang malalim ang iniisip ah." Napalingon ako bigla.
"Anong ginagawa niyo rito?" Kunot-noong tanong ko sa mga kaibigan.
Ngumisi lang ang mga ito at pabagsak na umupo sa sofa.
"Grabi ka naman bro, tagal naming hindi nakadalaw sa opisina mo eh. Mukha yatang ayaw mo kaming makita ah," wika ni Bien.
"Kasi may itinatago," nakangising wika naman ni k**i.
"Ayaw yatang ipakilala sa atin eh," segunda naman ni Carl.
Ang mga baliw, panay tingin sa paligid na akala mo eh, may h
