Kaagad kong pinunasan ang luhang pumatak sa mga mata ko ng marinig ko ang katok mula sa kuwarto.
"Anak." Ang mommy ko.
Naramdaman kong umupo ito sa tabi ko. Kasalukuyan kasing nakayuko ako at ayokong ipakita ritong umiiyak na naman ako.
Sa ilang linggo kasing nakalipas, simula ng malaman ko ang ginawa ng dating nobyong si Andrei, hindi ko pa rin maiwasan ang mapaiyak sa tuwing naiisip na ganito lang pala matatapos ang relasyon naming dalawa.
"Umiiyak ka na naman ba?" masuyong tanong ng mommy ko.
Lalo tuloy akong napayuko dahil sa luhang umalpas sa mga mata ko. Halos nananakit na ang mga mata ko sa kakaiyak.
Araw-araw na lang yata namumugto ang mga mata ko dahil sa kakaiyak. Hindi naman kasi madali ang maluko at masaktan.
Madalas nagiging tulala na lang ako at nararamdaman ko na l
