It’s weekend and walang shift si Clyden sa hospital pero naghahanda kaming magtungo doon ngayon para bisitahin si baby Harmony at kausapin na rin ang social worker about sa adoption process.
Hindi ko mapigilan ang hindi kabahan habang naglalakad kami patungo sa office ni Clyden kung saan naghihintay si Miss Ofelia. She told us na dala na niya ang result at kahit na hindi ko pa alam kung ano iyon ay nag-o-overthink na agad ako.
“What if hindi approved ‘yong application natin as Harmony’s parents? Pwede bang mag-apply ulit?” hindi ko mapigilan na wika saka tumigil sa paglalakad nang makarating kami sa office niya.
“Try to relax, mommy. Huwag kang mag-iisip hangga’t hindi pa natin nalalaman ang result,” sabi naman ni Clyden saka marahan na pinisil ang kamay ko na hawak niya.
