Hawak-kamay ni North si East habang naglalakad. Kasunod ng mga ito sina Selena, Greg at ilang security guard.
"Ayos ka lang ba talaga?" ulit ni Greg nang sulyapan ang dalaga.
"Ayos lang ako," napipilitang sagot niya, at kinuskos ang palad sa suot na pantalong maong.
Dinig na dinig naman ng binatang nasa unahan ang usapan ng mga nasa likod. Hindi niya alam kung saan nangagaling ang inis na umaakyat ngayon sa kaniyang ulo.
Seryoso ang mukha ni North nang humarap sa kaibigan, at sa dalaga matapos tumapat sa entrada ng kaniyang kumpanya.
"Thank you for dropping by and helping me out, Greg," blankong ang ekspresyon nang ibato mga mata sa katabi nito.
Napakurap naman si Selena nang magtagpo ang tingin nila ng tiyuhin ni East.
"Wala 'yon, North."
"Si Selena, dapat mo rin siyang pasalamat
