Habang nananatiling magkahinang ang mga mata ay natigilan sila ni Greg nang tumunog ang cellphone nito.
"Excuse me," paalam nito, at kinuha ang telepono sa bulsa ng suot na uniporme.
"Hello?"
Si Selena naman ay pinagmamasdan ang mga nagdaraanang sasakyan sa kalsada. Maalinsangan ang panahon dahilan para kumunot ang noo ng dalaga.
"Ano?!"
Mabilis siyang napalinga kay Greg dahil sa lakas ng boses nito. Hindi niya alam kung bakit nakaramdam siya ng kaba nang masilayan ang nababahalang hitsura ng pulis.
"Sige, pupunta na ako riyan," Ibinaba ni Greg ang cellphone, at sinalubong ang tingin niya.
"A-anong nangyari?" nagtatakang tanong ni Selena habang pinag-aaralan ang reaksyon ng kaharap.
"Si North tumawag."
"Si North? Iyong Uncle ni East?" pagkaklaro niya.
"Oo. Nawawala raw ang bata-"
