Walang ka-emo-emosyon sa mukha ni Arch nang suriin ko siya nang mabuti. Kapwa na kami nakaupo sa tapat ni Marko nang magkahawak-kamay. Hindi ko alam kung ano ang magiging daloy ng kanilang usapan, kung tungkol lang ba sa nakaraan o kung tungkol sa kasalukuyan. Basta’t ang tangi ko lang inaasahan ay ang matino nilang paghaharap upang maayos na ang dapat ayusin.
“So you are…”
Nang tumigil sa salitang iyon si Arch, kaagad nang nagwika si Marko.
“Marko,” sambit niya saka humikab. “Mark na lang.”
“Listen, Mark.”
Napalunok ako nang sa puntong ito ay umayos sila ng upo. Mas diniin ko ang pagkakasalikop ng mga kamay namin ni Arch para iparating na sana walang mangyaring eskandalo.
“Kinausap ako ni Sandra tungkol sa inyo ni Angelique. She told me you two are married already. Is it true?”
Mul
