Bumalik na kami sa campus dahil may laro pa raw sila mamaya. Dahil sa takot kong mahuli kaming magkasama mula sa likod ng school ay pinahuli ko siya na umalis. Sumilip-silip pa ako sa mga sulok dahil baka manaya ay may ninja palang nakamasid sa akin. Isang araw ay baka magulat na lang ako dahil may panibagong issue na naman kami ni Heize tulad noon.
"Oh? Ano na? Ba't bigla kang umalis kanina? Natae ka ba?" sunod-sunod na tanong sa akin ni Avi nang makita akong papalapit sa kanya. Nakatambay siya ngayon sa benches kasama ang ibang blockmates namin. Ang iba sa mga kasama niya ay may dalang mga banner, mukhang naghihintay rin sila para sa laban mamaya. "Sayang at 'di mo napanood ang laro kanina. Ang galing kaya nila Heize! Supalpal mga taga-tourism eh!"
"G*ga! Tourism ka rin, 'no! Huwag kan
