LABIS ANG PANGANGAMBA ni Wyatt sapagkat tatlong araw nang hindi nakababalik si Dominique mula nang magpaalam siyang pupunta sa kompanya ni Raphael. Hindi niya maiwasang mag-alala dahil baka may nangyari sa dalaga at wala manlang silang kaalam-alam. Sa loob nang tatlong araw na wala si Dominique ay pabalik-balik din si Melissa. Sa tuwing tinatanong siya ni Wyatt kung ano ang kailangan niya ay wala siyang maisagot, basta na lang siya umaalis.
Tulad ng utos ni Dominique ay binantayan ni Wyatt si Paloma kahit na pinagtutulakan siya ng dalaga. Nais niya lang makatiyak na wala itong gagawin lalo na’t kamamatay lang ng kanyang mapapangasawa. Hindi naman natatakot si Paloma kay Wyatt ngunit sa tuwing malapit ang binata ay bumibilis ang t***k ng kanyang puso na tila nais nitong lumabas sa kanyang
