Chapter 43
Simula nang makilala ko si Gelo, madalas na talaga siyang tahimik. Siya ang sumusunod sa pagiging masungit na pinapangunahan ni Mark.
Nang una’y akala ko hindi ko siya magiging kasundo.
Oo nga’t naghaharutan sila ni JC pero pagdating sa mga babae ay pasimple ang pagiging mailap niya. Hanggang sa nalaman ko na nag-iisa na lang siya. Ang mga magulang niya ay naghiwalay at siya naman ay naiwang mag-isa.
Sa kanya ko nalaman na hindi lahat ng tao ay gusto ng pera, hindi lahat ng tao ay mapapasaya ng pera kundi ang mga nakapaligid dito, ang pagmamahal mula sa kanila at pagtanggap.
Mayaman siya pero mas pinili niyang manirahan sa puder ni Nanay. Nagtrabaho siya para makapag-aral kahit kayang-kaya ng magulang niya na tustusan siya. Pumunta siya sa bahay kung saan walang pera at ka
