WHERE is she?
Halos pumutok ang ugat sa sentido ng gobernador habang hawak pa ang cellphone, nanginginig ang mga daliri sa galit. Kanina lang, habang nakaupo sa opisina niya sa kapitolyo, isang tawag mula sa tauhan ang gumulo sa buong araw niya. Ang sabi, may sumundo kay Aleyah—pero walang makapagsabi kung sino. Wala man lang malinaw na mukha, ni plaka ng sasakyan, wala.
Pumipintig ang sentido niya habang paulit-ulit na inuulit sa isip ang sinabi ng tauhan.
“Iba ang sumundo… hindi namin kilala.”
Hindi siya mapakali. Dapat abala siya ngayon sa paghahanda para sa pagdating ni Vice President Anna, pero paano siya makakapag-focus kung hindi niya alam kung nasaan si Aleyah?
Nakatungtong siya sa malapad na mesa ng opisina, nakatukod ang dalawang kamao. Humigpit ang panga niya, at mariing n
