NAGISING si Aleyah sa mahina ngunit tuloy-tuloy na huni ng mga ibon sa labas ng bintana. Mabigat pa rin ang kanyang talukap, tila ayaw bumitiw sa antok, pero mas mabigat ang alaala ng nagdaang gabi na agad bumungad sa kanyang isip. Saglit siyang nanatiling nakahiga, halos hindi gumagalaw, habang pinakikiramdaman ang paligid. Wala na sa tabi niya ang presensya ni Uno, ang init ng balat nito, ang bigat ng bisig na kaninang madaling-araw ay naroon pa.
Dahan-dahan siyang umupo, parang natatakot na baka may makakita agad sa kanya. Napabuntong-hininga siya nang mapansin ang sarili—maayos na suot muli ang daster na hiniram kay Charm. At nang ibaba niya ang kanyang tingin, halos mapahigpit ang hawak niya sa kumot nang makita niyang nakasuot na rin ang panty niya. Para bang walang nangyari. Para b
