HOY, Aleyah!
Napaigtad siya nang sikohin ng kasamahan dahilan para maputol ang malalim na iniisip ni Aleyah. Napatingin siya, at napagtanto niyang kanina pa pala siya nakatungo, mahigpit na nakahawak sa laylayan ng damit niya.
Dahan-dahan niyang iniangat ang mukha. At doon siya muling napatigil.
Isa sa mga lalaki mula sa grupo ng VIP ang nakatingin mismo sa kanya. Yung kaninang dumating—matangkad, guwapo, halatang may dugong banyaga. Malinis ang hiwa ng suit nito, at ang presensiya ay may bigat na parang sanay itong laging tinitingala.
Napalunok siya. Agad niyang pinunasan ang mga luha sa gilid ng mata, umaasang hindi iyon napansin.
Pero napansin ito ng lalaki. Bahagya itong lumapit, nag-abot ng panyo, at malamig ngunit diretso ang boses nang magsalita at sosyal pa ang accent.
“Hey…
