Umalingaw-ngaw ang iyak ng isang inang walang ibang ginawa kundi ang mabigyan ng magandang buhay ang kanyang mga anak. Ngunit bakit ganito ang sinapit ng una at pangalawa niyang anak? hindi niya matanggap na nag-aagaw buhay sina Uno at Dos matapos makatanggap ng tawag mula sa private ospital na pagmamay-ari ng kanilang pamilya.
Parehong nakaratay sa magkahiwalay na silid. Malubha ang tama ni Dos dahil sa bala, halos hindi gumagalaw at ang bawat hinga ay parang pakikibaka. Si Uno nama’y puno ng sugat, ang mukha at katawan ay wasak sa pasa at hiwa, na para bang ibinagsak sa bangin at nilapa ng panganib. Ang malamig na hangin ng ospital ay tila hindi nakabibigay ng ginhawa—sa halip ay lalo lamang nagpapatingkad ng bigat at lungkot sa paligid.
“Diyos ko! Mga anak ko!” hagulgol niya, halos m
