"Kanina ka pa dyan, pero hindi kita nakitang sinawsaw yang brush mo sa kahit anong kulay ng pinturang nasa harap mo," napatingin siya sa akin, at ngumiti ako sa kanya.
"Hindi naman kasi ako marunong magpinta, kahit nga pagguhit, hindi ko rin alam. Stick figure lang ang kaya kong i-drawing," nahihiya niyang sabi sa akin. Ngumiti lang ako sa naging tugon niya.
"Hindi naman tayo nag d-drawing eh, nagpipinta tayo Clij, at sa pagpipinta, don ka tunay na nagiging malaya. Ipinta mo lang kung ano ang nasa isip mo, huwag mong isipin kung ano ang magiging resulta, kung maganda ba o hindi. Kung maiintindihan ba ng ibang tao ang gusto mong ipinta, hindi yon mahalaga. Ang importante alam mo sa sarili mo kung anong ipininta mo at sapat na yon," tapos nginitian ko siya nang matamis, at bumalik na ako
