Hindi na siya nagulat nang dalhin ng mama niya ang mga papel mula sa mindanao sa kanyang silid, nang tingnan niya isa isa ay doon niya naunawaan kung ano ang mga papel na iyon. Hindi lang basta bastang datu ang kanyang Lolo. Hindi niya tuloy maiwasan na maitanong sa kanyang sarili kung ano pa nga ba ang sikreto ng kanyang pagkatao.
Apat na taon na ring mahigit simula ng pumanaw yung kanyang ama at noong huling sandaling nakasama niya ito ay di naman ito nabanggit ang tungkol sa tatay nito. Siguro dahil na rin sa nabanggit ng Mama niya kanina, dahil sa pagkakaroon ng maraming asawa ng lolo niya kaya namatay ang lola niya na naging dahilan o siyang nag-udyok para pumasok sa kilusan ang kanyang ama. Marahil ay tuluyan ng itinakwil ng kanyang ama ang pamilya nito kaya ng pumasok ito sa kilus
