Nag-aayos ako ng mga bigay ni Mr. Jaenn. Naglagay na lang ako ng tubig sa isang lagayan ng bulaklak at nilagay ang bulaklak na bigay niya. Kumuha ako ng isang bulaklak na rosas para ilagay iyon sa librong tapos ko ng basahin.
Nang hapunan na ay wala pa ring dumadating na tao sa bahay ni Mr. Jaenn. Mukhang totoo talaga iyong sinabi niyang pinagbakasyon lahat ng tao rito. Nang silipin ko rin kasi si Manang ay wala ito roon sa kwarto niya.
"A-ako na ang magluluto," presenta ko dahil nahihiya na akong siya pa ang magluluto. Ako ang katulong tapos ako nagfe-feeling amo. Hindi naman na siya umalma at tumango na lang. Umupo siya sa upuan sa dining area. Kita ako kaya hindi ko alam kung ano ang gagawin ko lalo na at nakakatitig siya sa akin.
"I thought you are going to cook?" pang-aasar niya n
