Mr. Jaenn. May iba ng tumatawag sa kaniya ng Mr. Jaenn. Nakatulala na lang ako. Iniisip kung ano ang gagawin ko matapos ang narinig kanina. Magkasama sila?
Lasing si Mr. Jaenn. Lasing siya baka kung ano na naman ang mangyari sa kanila. Naging alerto ang utak ko sa magaganap kung sakaling madala na naman sila.
Agad kong ni-log in ang account ko sa phone ni Allen. Hinanap ko ang account ni Ate Tess. Kaya lang ay nakatitig lang ako sa pangalan niya. Hindi ko alam kung ano ang sasabihin ko sa kaniya.
Umalis ako ng hindi man lang nakapag-paalam sa kanila tapos parang uutusan ko pa siya. Iniwan ko ang phone ni Allen at lumabas na lang. Kailangan kong alisin sa isipan ko ang mangyayari kung sakali.
"Ako na lang ang magluluto," presenta ko. Naghahanda na si Allen ng mga rekados ng lulutuin niy
