"Ayaw kong malasing Ate Tess," paalala ko kay Ate Tess na bigay ng bigay sa akin ng baso.
Naisipan naming dito na lang sa loob ng bahay ni Mr. Jaenn para kung malasing ay alam naming safe kami. Kaming tatlo lang ang nandito.
Kami lang naman ang matatanda rito at si Mr. Jaenn na hindi lumabas ng kwarto niya. Aayain sana ni Kuya Gardo kaya lang ay baka raw tulog na. Kaya kaming tatlo lang ang nandito.
"Safe ka naman dito. Sige na, Tine," pilit niya sa akin. Safe ako rito pero hindi ko alam kung magiging safe ako kapag may impluwensiya ng alak.
Diretsong ininom ko ang binigay ni Ate Tess. Si Kuya Gardo ang nagtatagay at kain lang ako ng kain. Nasa labas lang kami ng bahay. Maganda ang langit at parang nakikisama sa amin.
Mas lalong gumanda ang buong paligid ng maggabi na dahil sa mga nag
