Napapaisip ako kung sino ang may salarin sa nangyari kay Rose. Hindi ko na alam ang gagawin ko. Hindi ako makatulog, mahimbing na ang tulog ng anak ko pero hindi ako makatulog at gusto na lang mag-isip ng mga bagay-bagay.
Hindi na nakauwi sina Jenny at Johnny kasi anong oras na rin kaming natapos kanina sa usapan. Magkatabing natulog yata ang tatlo. Si Hariot ay nasa labas lang. Hindi pinatulog ni Jaenn kasi trabaho naman niya raw na magbantay.
Tiningnan ko ang anak kong mahimbing ang tulog. Inayos ko ang kumot kahit na ayaw niyang magpakumot kapag natutulog. Hinalikan ko rin ito sa noo bago dahan-dahang bumangon na hindi siya magigising.
Maingat akong naglakad papunta sa pinto. Sinigurado ko ring hindi magigising ang anak ko. Anong oras pa rin naman kasi. Hindi lang ako makatulog. Gust
