Niyakap ko si Hariot. Mabilis naman niyang pinutol ang yakap. “Ingat,” sabi ko rito.
Pinapasok na ako ni Mr. Jaenn sa kotse kasi mag-uusap pa raw sila ni Hariot. Hindi naman nagtagal ay pumasok na rin si Mr. Jaenn. Naghanap kami ng drive thru na malapit lang. Umorder lang siya ng para sa mga bata. Ang inorder niya para sa aming dalawa ay burger lang.
“Feed me,” sabi nito. Hindi pa nga ako nakakagat sa burger ay iyon na ang sinabi niya. Binigay ko na lang ang hawak kong burger pero umiling siya. “I can’t. I’m driving,” palusot nito. Marami namang mga taong nakakakain kahit na nagmamaneho ah. Ang arte.
Nasa hita ko na ang kamay niya. Hindi ko alam kung saan ba talaga ang manubela at sa hita ko siya nakahawak. “Akala ko ba hindi mo kayang magmaneho ng isang kamay lang?” tanong ko. Tinapuna
