NAGISING ako nang makaramdam ng kiliti sa paanan ko. Nang imulat ko ang mga mata ko ay si Angelo ang namulatan ko na kinikiliti ako gamit ang hibla ng walis tambo. Tawa siya ng tawa habang ginagawa yon. Napangiti ako at agad na bumangon. Hinatak ko siya sa kama sabay kiliti sa kanya. Panay ang tawa niya habang kinikiliti ko siya. Biglang nawala ang antok ko at agad nabuhayan ng dugo dahil kay Angelo. Ganito talaga ang epekto niya sa akin. Nakakawala ng stress at pagod sa trabaho.
"Ma, stop!" Daing niya. Hininto ko naman ang pagkiliti sa kanya. Maya maya ay niyakap ko siya at yumakap rin siya. "Mama aalis ka?" Tanong niya. Ang tinutukoy niya ay kung papasok ako sa trabaho ko. Friday ngayong araw at restday ko. Sa isang linggo ay isang beses lang ang restday namin kaya sinusulit ko ang ara
