Third Person POV
Sa ilalim ng mala-gintong liwanag ng hapon, tahimik lang na nakaupo sina Elle at Lucas sa lumang bench malapit sa punong mangga sa likod ng eskwelahan. May mga dahong dahan-dahang nalalaglag, sinasayawan ng hangin. Ang eksena ay tila kuha mula sa isang classic na romantic film payapa, simple, at puno ng tension na hindi alam kung saan pupunta.
Tahimik si Elle habang nakasandal kay Lucas. Habang siya naman, nakatingin lang sa mga ulap, pero paminsan-minsan ay sumusulyap sa babaeng nasa tabi niya. Dumikit pa si Elle ng kaunti, marahang inabot ang orange sa kanyang bag at isa-isang binalatan.
“Lucas…” mahina pero malambing na tawag niya.
“Hmm?” tugon ni Lucas, hindi pa rin bumibitaw ng tingin sa langit.
“Subo ka,” sabay abot ng isang hiwa ng orange.
Napatingin si Lucas.
