Makalipas ang isang linggo ay nag-umpisa na akong magtraining sa call center ni John na nobyo ni Cindy. Sa technical position ako inilagay at di kailangang sumagot ng mga calls. For the second time si Cindy ulit ang tumulong sa akin sa oras na kailangan ko ng trabaho.
Wala ng interview o kahit ano pa mang requirements. Basta pinapunta na lang ako sa opisina para magtraining. Pero bago ang araw na iyon ay nagkita muna kami ni Cindy.
“Sis, thank you ha. Lagi kang nandyan kapag kailangan kita.”
“Wala yun. Para kang iba.”
“Treat ko kayo ni Mira sa unang sweldo ko. Lagi na lang ikaw kapag nagkikita tayo.”
“Hay naku, salitan kaya tayo at di naman laging ako.”
“Basta mas lamang ka at napaka generous mo sa amin. Lalo na sa inaanak mo. Thank you sa lahat sis.”
“Basta bukas agahan mo sa trai
