Pumuwesto na akong matutulog na nakatalikod sa kanya. Humiga na rin siya at nang silipin ko ay nakatalikod rin siya sa akin. Pumihit ako. Di na ako makapagpigil at niyakap siya. Hinimas niya ang aking braso at hinawakan ang aking kamay.
“Alam kong di mo ako matitiis,” mayabang na sabi niya
Kinagat ko ng madiin ang likod niya.
“Aray, bad girl,” sabay harap niya sa akin
Nakasimangot lang ako at nagbuntong hininga.
“Bakit ba ang sungit mo ha?”
“Kasi di mo na ako nilalambing. Puro ka na lang work.”
“Heto na nga oh, yakap-yakap ka na,” sabay halik sa aking leeg. Napahiyaw ako ng bahagya dahil sa pagkakiliti.
“Tumigil ka nga at matulog ka na.”
“Bakit matutulog na agad?” sabay halik niya muli sa aking leeg.
“Carlo!” saway at mahinang sambit ko. Hinampas ko siya at itinulak ko ang kanyan
