Alaric
Kagaya ng mga nagdaang mga araw ay hindi pa rin ako pinapansin ni Jessa. Kahit anong kausap ko dito ay wala akong natatanggap na kahit na ano pa mang tugon mula dito. Kahit anong panunukso ang gawin ko ay hindi nito inaalis sa kanyang cellphone o sa kahit naa nong bagay na pinagkakaabalahan niya ang kanyang mga mata. Kapag matutulog naman kami ay nakatalikod pa rin ito sa akin na hindi na rin niya ako pinapayagang yapusin siya.
Sa simula ay okay lang naman sa akin, pag himbing na kasi siya sa pagtulog ay siya na din ang kusang yumayapos sa akin at syempre, sino ako para tumanggi. Sabi ni Nanay niya ay nasanay daw ito na katabi sila kaya siguro kapag tulog na ito ay nasa isipan niya na ang nanay at lola pa rin niya ang katabi niya. Kahit noong una pa lang na magkatabi kami sa pagtu
