Lily POV.
Hindi na ako umalis papuntang Maynila. Nag-aalala ako kay Zakhar at baka atakihin naman ito ng kanyang trauma. Paano ko ba iiwan ito kung si Zakhar lamang ang kasama ko noong nalaman kong ikakasal na sina Rashma at Riley? Noong una, hindi ko pa alam kung bakit ko kailangang maramdaman ang sakit na iyon; kung bakit dapat masaya na lang ako. Pero ipinaliwanag sa akin ni Zakhar kung bakit, kaya mas lalo akong nasasaktan.
Kaya hindi ko rin kaya itong iwan basta-basta na lamang dahil baka kung ano-ano naman ang isipin nito. Natatakot ako; baka ano ang gawin ni Zakhar sa kanyang sarili. Minsan na itong nakulong sa dilim at ayaw kong maulit pa. Ako nga, kahit may kasama na akong dalawang tao sa mansyon nila Rashma, pero nagkaroon pa rin ako ng pagkabagot. Paano pa kaya kapag napunta a
