ERINA’S POV
HINDI AKO INIWAN NI JAKE. Ipinagtutulukan ko na nga siyang umuwi na dahil gabi na ngunit nagpakatanggi-tanggi ito. And worst tinawagan sina Mommy at Daddy para sa bahay matulog! Kesyo wala naman daw itong pasok at nais akong bantayan dahil nga sa nangyari. Ito pa ang naghugas ng pinagkainan namin matapos magpaala sina Myra at Aling Rosita na maagang matutulog sa silid nila.
Pinanood ko lang kung paano ni Jake tapusin ang ginagawa. Nineteen years old lang ito pero kahit na mayaman ay marunong sa mga gawaing bahay. Pwede ng mag-asawa. Pero hindi pa pwede. Kung iistimahin, aabot ng halos kulang sampung taon ang kurso nitong pagdodoktor kasama ang practicum. Ibig sabihin, habang nakikipaglaban ako sa business world ay puro gamot, bakuna at iba’t ibang uri ng sakit ang pinoproblem
