ERINA’S POV
IYON NA NGA. Totoo nga na sa huli ay mananaig ang puso. Pinayagan ko na ligawan akong muli ni Jake na hindi alam nina Mommy at Daddy. Pinag-iisipan kong sabihin kay Myra kasi baka magtampo ito sa akin. Natutuwa ako kay Jake kasi lagi siyang may oras sa akin. Sana nga lang hindi ito magbago. Isa iyon sa dahilan kung bakit hindi ko pa ito sinasagot dahil baka sa isang iglap lang ay mawala na naman ito.
Araw-araw si Jake humihingi ng tawad sa akin pero hindi pa rin nito sinasabi ang dahilan ng biglaang pagkawalan nito noon. Wala rin akong lakas na ungkatin pa iyon dahil ayoko ng alalahanin pa ang lahat. Ang lahat ng sakit at pait na idinulot nito sa puso ko.
“Erina, ano ang isusuot mo?” tanong ni Myra nang pumasok ito sa silid ko.Abala ako ang lahat ng tao sa bahay sa pag-aayos
