STEPHANIE
Matagal akong nakatingin sa labas mula dito sa loob ng shop. Malapit nang mag-alas-siyete, pero wala pa ring tigil ang buhos ng malakas na ulan. Hindi ko inaalala na may tutulo sa kwarto ko dahil nakumpirma ko na kanina na wala talagang tumulo sa kwarto. Ang iniisip ko ngayon ay kung tuloy pa ba si Allen na sunduin ako dahil hindi pa ako nagpapaalam kay Ma’am Theresa. Baka kasi nagbago ang isip niya, lalo na’t malakas ang ulan. Wala rin siyang mensahe sa akin kung tuloy siya.
Hindi ako umaasa dahil talagang malakas ang ulan. Mas masarap humilata sa kwarto ko kaysa lumabas pa. Pero sana, bigyan niya ako ng abiso na hindi na siya matutuloy.
“SJ, hindi ka pa ba gagayak?” tanong ni Ma’am Theresa, kaya nilipat ko ang tingin sa kanya.
“P-po?” Baka kasi mali lang ang dinig ko.
“A
