STEPHANIE
“Allen!” tawag ko sa kanya mula sa loob ng banyo.
Walang sumagot, pero naghintay ako.
“What?” sagot niya. Halatang naiinis pa rin siya. Nabitin kasi. Buti nga sa kanya.
“Pwede ka bang bumili ng pads? Wala kasi akong dala. Hindi ko kasi alam na magkakaroon ako ngayon,” utos ko. Nanatiling nakasara ang pinto. Sa pagmamadali ko, hindi ko na dinampot ang tuwalya na hindi ko alam kung saang parte ng silid niya hinagis. Kaya nakahubad ako ngayon.
“Pads?” sambit nito, na parang walang ideya kung ano ang pads na tinutukoy ko.
Umikot ang mata ko. Alam niya ang buwanang dalaw ng babae, pero pads, hindi? Wala ba siyang kapatid na babae? Hindi ba nagpapabili ang mommy niya sa kanya ng sanitary napkin? Nagkaroon din siya ng girlfriend. Hindi man lang ba siya nito inutusan bumili ng
