ALLEN
Ilang araw akong nagpalamig ng ulo. Ayoko munang humarap kay Stephanie na hindi pa ako kalmado. Ilang araw rin akong nagpigil na pasundan siya, hindi para alamin kung nagkikita ba sila ng kaibigan niya, kundi para malaman ko lang kung na-e-enjoy ba niya ang bawat araw niya kahit hindi naging maganda ang pakikitungo ko sa kanya nang huli kaming nag-usap.
Sa mga nakalipas na araw, halos hindi ako makatulog. Tinitimbang ko ang lahat. Nang makapag-isip ng maayos, balak ko na sana siyang kausapin at humingi ng pasensya sa sinabi ko, pero nakita ko naman ang mga larawan na iyon. And to make matters worse, I did something awful to her that I now regret.
Noong nakita ko siya sa restaurant, may bahagi ng pagkatao ko ang natuwa. Gusto ko siyang halikan at yakapin, pero nagpigil ako. Nangin
