“O, ANO, naalala mo na ba ako? Naalala mo na ba kung paano tayo nagkakilala?” untag ni Edrian.
“Teka lang, ha? Iisipin ko lang muna,” kunot noong sagot ni Khrysstyna. “Tama! Naalala ko na! Ikaw iyong payat na matangkad tapos nakasuot ng salamin, hindi ba? Iyong laging may iniwan na sobre kay Kaye?”
“Tama, ako nga iyon. Mabuti naman at naalala mo na,” nakangiting wika ni Edrian.
“Ikaw pala iyon. Bakit ang laki na ng ipinagbago mo? I mean iyong itsura mo. Ang guwapo mo na. Tapos ang laki na rin ng katawan mo,” nangingiting saad ni Khrysstyna. Pinakatitigan pa niyang mabuti si Edrian. Hindi talaga siya makapaniwala na ito pala ang lalaking nangungulit sa kanya noon. Ang kapalaran nga naman, hindi mo maarok.
“Guwapo rin naman ako kahit noon pa. Hindi mo lang ako napapansin kasi snob ka,”
